2026-2027 ОНЫ ХИЧЭЭЛИЙН ЖИЛИЙН ТӨГСӨЛТИЙН ДАРААХ ҮНДСЭН МЭРГЭШЛИЙН СУРГАЛТЫН ЭЛСЭЛТИЙН ШАЛГАЛТЫН ХУВААРЬ

2026-2027 ОНЫ ХИЧЭЭЛИЙН ЖИЛИЙН ТӨГСӨЛТИЙН ДАРААХ ҮНДСЭН МЭРГЭШЛИЙН СУРГАЛТЫН ЭЛСЭЛТИЙН ШАЛГАЛТЫН ХУВААРЬ

Элсэлтийн шалгалтыг 2026 оны 09 дүгээр сарын 19, 20-ны өдрүүдэд АШУҮИС-ийн төв байрны (УНТЭ-ийн эсрэг талд байрлах) танхимуудад зохион байгуулна. Шалгалт авах өрөөний хуваарилалтыг 09 сарын 18-нд энэхүү вэбсайтад мэдээлнэ.

Шалгалтад ирэхдээ доорх батлагдсан шалгалтын дэгтэй заавал танилцсан байна.

АШУҮИС-ИЙН ТӨГСӨЛТИЙН ДАРААХ СУРГАЛТЫН ЭЛСЭЛТИЙН ШАЛГАЛТЫН ДЭГ

1. Батлагдсан хуваарийн дагуу бүртгүүлэгчид шалгалтын өрөөнд 08.20, 10.20, 12.20 /зарласан/ цагт цугларсан байна. Дурьдсан хугацаанаас хожимдсон шалгуулагчдыг шалгалтанд оруулахгүй.
2. Шалгуулагч иргэний үнэмлэх болон түүнтэй адилтгах бичиг баримттай (е-Мongolia лавлагаа-апп нээж шалгуулах, гадаад паспорт) ирэх бөгөөд ямар нэгэн зөрчилтэй шалгуулагчийг шалгалтанд оруулахгүй.
3. Шалгуулагч зохион байгуулагчдын хуваарилсан суудалд сууна.
4. Шалгалтын комисс шалгалтын дэгийг танилцуулж, сорил хариулах заавар, бөглөх аргачлалыг танилцуулна.
5. Шалгуулагчид биедээ ямар нэгэн эд зүйл, гар утас, цүнх болон бусад зүйлийг авч орохыг хориглоно.
6. Шалгалтын явцад ярих, бусдаас дэмжлэг авахыг оролдох, чихэвч, ухаалаг цаг, тусгай бэлтгэсэн зүйл, ном, дэвтэр хуулахыг завдсан тохиолдолд шалгалтын журам зөрчсөнд тооцож шалгалтын өрөөнөөс гаргана.
7. Шалгалт эхэлснээс хойш шалгалтын өрөөнөөс гарсан шалгуулагчийг буцааж оруулахгүй. Биеийн байдлаас болон хүндэтгэх шалтгаанаар шалгалтаас гарсан шалгуулагчийн гарах хүртлээ хийсэн шалгалтын материалыг шалгаж дүгнэнэ.
8. Асуулт асуух тохиолдолд зөвхөн гараа өргөж шалгалтын комиссын гишүүнд мэдэгдэнэ.
9. Цагаасаа өмнө дууссан шалгуулагч шалгалтыг дуусгаад танхимаас гарч болно.
10. Шалгалтын дүнг шалгалт авсан өдрөө танилцуулна.
11. Шалгалттай холбоотой санал, хүсэлт асуудлыг тухайн шалгалт авсан өдөр шийдвэрлэнэ.
12. Шалгалтын дэгийг шалгалт эхлэхээс өмнө шалгуулагч уншиж танилцсан байхаар цахимд байршуулна.
13. Шалгалт өгөхдөө сорил хариулах зааварчилгаатай урьдчилан сайтар танилцсан байна.
14. Шалгалтыг цахим төхөөрөмж ашиглан өгнө.
15. Шалгалт өгөх төхөөрөмж, интернетийн хэвийн ажиллагааг шалгаж урьдчилан бэлтгэл хангасан байна.
16. Шалгалтын комиссын өгсөн зааврын дагуу шалгалт эхлэхээс 5-аас доошгүй минутын өмнө шалгалтын цахим системд нэвтэрч, шалгалтыг өгнө.
17. Давхар хандалт байгаа эсэхийг шалгаж, хандалт давхцсан тохиолдолд шалгалтаас шууд гаргана.
18. Шалгалтын дэг зөрчсөн шалгуулагчийн шалгалтын үнэлгээг хүчингүйд тооцно.

↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓

Шалгалт өгөх тухайн мэргэшлийн чиглэлийн шалгалт авах өдөр, цагийн хуваарийг доорх хүснэгтээ танилцана уу.