АШУҮИС-ийн Эрдмийн чуулган – 62 цахим хэлбэрээр зохион байгуулагдаллаа

Та бүхэн энэ өдрийн мэнд хүргэе. 

АШУҮИС нь жил бүр уламжлал болгон эрдмийн чуулганыг зохион байгуулдаг. Энэ жил цар тахал дэгдсэнтэй холбоотойгоор “Шинэ корона вируст халдвар (covid-19)”-ын тархвар судлал, оношилгоо, эмчилгээний тулгамдсан асуудал сэдвийн хүрээнд Монголын анагаахын шинжлэх ухааны жаран хоёр дахь удаагийн Эрдмийн чуулганыг анх удаа цахим хэлбэрээр АШУҮИС дээр зохион байгуулж байна. Энэ удаагийн Эрдмийн чуулганыг  Zoom.us application ашиглан дөрвөн улсыг хамруулан онлайн хэлбэрээр зохион байгуулж байгаагаараа ихээхэн онцлогтой юм.

Эрдмийн чуулганыг АШУҮИС-ийн захирал профессор Ж.Цолмон нээж эхлүүлсэн бөгөөд  ЭРДМИЙН ЧУУЛГАН-62-т МУ-ын ерөнхийлөгчийн ахлах зөвлөх Ц.Хулан, ЭМ-ийн сайд Д.Сарангэрэл, АШУҮИС-ийн удирдах зөвлөлийн дарга, МУ-ын ардын эмч, АУ-ны доктор, профессор Ж.Хатанбаатар, Нийслэлийн засаг дарга бөгөөд Улаанбаатар хотын захирагч С.Амарсайхан, БСШУСЯ-ны ДБГ-ын дарга Г.Батнэмэх нар мэндчилгээ дэвшүүлж АШУҮИС-ийн нийт эрдэмтэн, профессор, багш, судлаачдад эрдмийн чуулганы баярыг уламжиллаа. 

Эрдмийн чуулганаар Монгол Улсад бүртгэгдсэн тохиолдлуудын эмнэл зүй, лабораторийн шинжилгээний онцлог,  халдвар авсан тохиолдлуудын вирус тээх хугацаа болон Нийгмийн эрүүл мэндийн авч хэрэгжүүлэх дэлхий нийтийн туршлага гэх мэт өргөн хүрээг хамарсан сэдвийн хүрээнд нэрт Академич П.Нямдаваа, АШУҮИС-ийн захирал, профессор Ж.Цолмон, ХӨСҮТ-ийн эмч Ц.Чинбаяр, Ц.Наранзул нар илтгэл хэлэлцүүллээ.  Мөн хуралдаанд цахимаар, ДЭМБ-ын төлөөлөгч Сергей Диордица болон БНХАУ, ОХУ, Япон зэрэг эрдэм шинжилгээ, судалгааны өндөр туршлагатай орнуудын илтгэгчид COVID-19-ийн эмнэлзүйн болон нийгмийн эрүүл мэндийн чиглэлээр өөрсдийн судалгааны туршлага, статистик, дүн, мэдээ, зөвлөмжийг хэлэлцүүлсэн нь энэ удаагийн Эрдмийн чуулганы их үр дүнтэй болсныг илтгэж байна

Эрдмийн Сургуулийн Эрдмийн чуулганд ирүүлсэн нийт илтгэлүүдээс шилдэг илтгэлээр шалгарсан АШУҮИС, АУ-ны магистр Х.Ерханат танд цаашдын судалгааны ажилд нь өндөр амжилт хүсье.

Хуваалцах:

Сэтгэгдэл үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн